Ljós í myrkrinu

Góður maður sagði eitt sinn við mig, "Maður verður að lifa í lausninni en ekki vandanum. Ef maður gerir það þá finnur maður lausn. Ef maður lifir í vandanum, þá vex hann."

Sjaldan eða aldrei eiga þessi orð betur við en nú. Á þessum tímum er mikilvægt að horfa til þess að ekki er öll nótt úti enn og trúa því að um tímabundna erfiðleika sé að ræða. Sumur eiga vissulega mjög erfitt þessa dagana og líklega munu fleiri bætast í þann hóp, því miður. Það er mikilvægt fyrir alla aðra að vera hvetjandi en ekki letjandi í samskiptum sínum við aðra. Jákvæð nálgun á vandamál er einfaldlega miklu líklegri til árangurs en neikvæð. Við sem erum að vinna með fólki eigum að hvetja. Háskólasamfélagið á að sjálfsögðu að vera gagnrýnið. Það á hins vegar einnig að vera uppbyggjandi.

Bubbi Mortens gerði þetta á sinn hátt. Margt má segja um þann ágæta mann en þessi viðleitni er til eftirbreytni. Hver og einn þarf að taka þátt á sinn hátt og með sínu nefi. 

Að sjálfsögðu er margt sem þarf að skoða og nokkuð augljóst að eitt og annað hefur farið úrskeiðis. Það er mikilvægt að koma í veg fyrir að þessir atburðir endurtaki sig. Það er einnig mikilvægt að ef einhver ber ábyrgð, þá geri viðkomandi það. Í augnablikinu er hins vegar mikilvægast að ná landi og sæmilegri heilsu. 

Athugasemdir

[Sveinn (IP-tala skráð) 9.10.2008 kl. 13:56]

Ég er sammála því að einstaklingar innan samfélagsins sérstaklega ráðherrar og aðrir áhrifamenn innan samfélagsins verði að  stuðla meira að jákvæðri umfjöllun um efnhagsástandið hér. Eins og þú segir þá er jákvæð nálgun á vandamálið mun líklegri til árangurs.

En þar sem sumir eru að tapa ævisparnaði sínum og annars háttar þá held ég að reiði fólks í landinu stuðli mun frekar að neikvæðari umræða frekar en jákvæðri.

 En góð grein og vonandi heldur áfram að rita eitthvað á þessa síðu

kv. Sveinn