Barnalán!

Kreppan hefur á sér marga skrýtna fleti. Margt sem þarf að endurskoða og endurhugsa. Eitt af því er endurskilgreining orða og hugtaka, s.s. eins og á orðinu barnalán. Í orðabóka má finna þessa skilgreiningu á því orði:

.. eiga <velgengni, barnaláni> að fagna eiga því láni að fagna að <búa við góða heilsu> ég átti ... 

Margt sem bendir til þess að í næstu útgáfu þurfi að bæta við skilgreiningu, s.s. eins og:

...ná sér í <velgengni, barnalán> að komast yfir mikið fyrir lítið að <búa við gott barnalán> ég átti gott...

Þetta mál er líklega einhver almesta hryggðarmynd efnahagshrunsins. Látum vera að fullorðið fólk sé að púkast hvert í öðru í nafni velgengninnar. Einhversstaðar hljótum við að vilja draga e.k. siðferðismörk.

...eða hvað?

 

Athugasemdir

[Birgir Viðar Halldórsson, 3.11.2009 kl. 09:28]

Kannski var þetta Bjarnalán Ármannssonar...

[Jón Magnússon, 3.11.2009 kl. 14:59]

Þetta er í raun foreldralán. Foreldrarnir tóku ákvörðun um kaup á hlutabréfum í Byr í nafni barna sinna. Með ólíkindum að Glitnir banki skyldi gera það mistök að fá ekki samþykki yfirlögráðanda við málinu.

En góð ábending Þórhallur með orðanotkunina og orðskilninginn.